FRIKAR X har valt ut ti av Norges fremste bevegelseskunstnarar mellom 17 og 30 år til ei treårig satsing. Fokuset er todelt: 1) Individuell utvikling av talent og kunstnarleg stemme. 2) Samtidsdans styrka på eldgamal kunnskap frå Valdres. Utøvarane har bakgrunn frå samtidsdans, jazzdans, konkurransedans, halling, afrikansk dans, break dance og hiphop.
FRIKAR X skal produsere tre sceniske verk og turnere både i inn- og utland. Programmet er bygd opp av produksjonar, turnear, verkstader i Valdres og Oslo, treningsleirar, fysiologiske testar, innovasjonslabar og mentoring.
FRIKAR X er støtta av Talent Norge, Sparebankstiftelsen DNB, Norsk Tipping og Eckbos legat. Programmet samarbeider med Fjelldansen - Regionalt kompetansesenter for dans - som er støtta av Kulturrådet, Oppland fylkeskommune og Valdres Natur- og Kulturpark.
FRIKAR-fakta:
- 400.000 live-publikumarar
- 1,3 milliardar tv-sjåarar
- 100 millionar YouTube-visningar
- 10 millionar treff på frikar.com