FRIKAR X er talentutviklingsprogram for rytmisk sterke og originale rørslekunstarar med særleg fokus på folkedans.
FRIKAR har utvikla talent sidan 2008. I 2017 starta FRIKAR X i samarbeid med kjernepartnarane Talent Norge og Sparebankstiftelsen DNB. FRIKAR X er eit treårig program der dei fleste har bachelor før inntak. Me har ni samlingar i året i Valdres og i tillegg visse moglegheiter for utøvande erfaring / jobb.
FRIKAR X er også ei spesialisering på utøvande kunst ute i det fri. Me søkjer berekraft i reise, arrangement og miljø. Difor støttar me kollektivreiser med inntil 1000 kr pr samling.
Me skapar trygt og mangfaldig miljø på tvers av sjangrar med eit felles mål om å gje ny kraft til den norske kulturarven på eit internasjonalt scenekunstnivå. Treårig løp med ti fleirdagars samlingar årleg i Valdres, samt utforskande, sceniske prosjekt der dei får jobbe med dei beste i sine sjangrar. Internasjonale storleikar held meisterklasser.
FRIKAR X gjev dansarar og sirkusutøvarar i dei krevande etableringsåra eineståande moglegheiter til å utvikle sitt fulle potensiale, få nettverk og personleg oppfylgjing. Fordjuping i berekraftig og miljøvenleg scenekunst utandørs.
Kjerneverdiar:
- FRI. Fridom for utøvarar og publikum. Ulike kroppar, bakgrunnar og uttrykk blir satt pris på.
- OMFAVNANDE. Samhald skapar trygg grunn for å ta risiko. Me har stor takhøgd og er glade i dialog.
- MODIG. Me utfordrar tradisjonar og eigne grenser.
FRIKAR X deler tak med dansekompaniet FRIKAR og Fjelldansen koreografiske senter. Dei beste talenta får jobbmoglegheiter i dansekompaniet i løpet av og etter programmet.
Private bidragsytarar: Sparebankstiftelsen DNB
