OFFENTLEG OPPDRAG

Innlandet har vedtatt å støtte etablering og drift av FRIKAR-kompani med eit ikkje-eksklusivt ansvar for utvikling og formidling av scenisk folkedans i Norge. Ambisjonen er å få med staten på dette løftet for den sceniske folkedansen i Norge. 

Med dette ansvaret skal FRIKAR utvikle sceniske verk av internasjonal kvalitet tufta på vår eigen kulturarv og formidle verka i heile landet. Denne ambisjonen byggjer vidare på:

- Regjeringa ved Talent Norge gav i 2017 FRIKAR eit nasjonalt ansvar for talentutvikling innan profesjonell, scenisk folkedans. 

- FRIKAR har sidan 2012 vore det einaste regionale kompetansesenteret for dans med spesielt fokus på utviklinga av den sceniske folkedansen. 

- FRIKAR har representert Norge i internasjonale konkurranser som Prix Italia og Eurovision Song Contest. 

- FRIKAR har ei nasjonal rekkevidde og har spelt på 160 tettstader og byar i Norge. 

- FRIKAR har ei internasjonal rekkevidde og har spelt for over 400.000 publikumarar i 35 land. 

- FRIKAR har mottatt strålande kritikkar i internasjonale media som National Geographic, The Herald, The Scotsman, WDR og Gramophone Magazine, samt norske media som VG, NRK og Aftenposten. 

- FRIKAR har bygd opp sitt eige senter for dans som vann Kunstløftet si idekonkurranse for nyskapande kunstarenaer. Senteret ligg i Aurdal i Valdres.